【沪语悦读】勿拨侬斩冲头

上海老底子上海老底子官方澎湃号

2020-10-06 14:32

上海

上海老底子每天呈送精彩文章一组

打开尘封的记忆，寻觅往昔的岁月

叙上海老底子事忆上海老底子人

诉上海老底子情

勿拨侬斩冲头

作者：侯宝良

资料来源：新民晚报夜光杯

朗读：郁琴妹

词语注释：“学上海话”公众号

点击下方收听音频，时长3分38秒。

年年到搿个辰光，马路浪挂个、广告里向登个，电视里插播个侪是月饼，就连门口头信箱里也有月饼广告塞进来。看到搿眼包装奇特个月饼，赛过勿是拨人吃个，像煞是摆设个工艺品。原本是老祖宗留下个民俗文化，现在倒成了“吃个勿买，买个勿吃”个人情交易品。近年搿副吞头势（tendhousy〈名〉倾向，模样，状况。英语tendency的音译）让我想到老底仔（laodizy〈名〉过去，从前）个中秋节。

小辰光屋里向难板（nebe（副〉偶然，很少）有亲眷带来几只月饼。一般就是我伲外婆自家做个

饼（takbin〈名〉单用面粉做的一种较硬的饼。咸

饼，加猪油等熯出；甜

饼，内含甜馅的

饼），有枣泥、也有豆沙馅头咾啥个，又甜又香，比月饼味道还好。中秋夜，小八腊子（xiaobaklakzy①〈名〉小孩子。②无权无位的群众）围拉一道吃饼搭仔芋艿毛豆荚（jik〈名〉豆类植物的果实。荚沪语同音字：吉、急、洁、揭、棘、拮），透过玻璃窗看看天浪向又大又亮个月亮，想想常娥奔月个故事，勿要忒写意（xiayi舒服，称心，愉快）噢！

必过“文化大革命”辰光个中秋节，嫦娥、玉兔随“破四旧”扫进了“历史垃圾箱”里。工厂里弄出现无产阶级感情个硬绷绷个自制月饼，硬正是体现我伲硬骨头精神。记得我辣电机厂工作，每年中秋，八只苏式月饼带回来孝敬长辈跟自家享用也够了。伊歇辰光讲究忆苦思甜，叫侬想想世界浪还有三分之二生活辣水深火热中个劳苦大众。我从吃外婆做个

饼到工厂自制个有模有样个月饼，心里也已经开心得勿得了。到仔八九十年代，市场经济闹猛来，月饼也从继承传统文化到创新开发，弄出搿眼能个冰淇淋月饼、冰皮月饼、哈根达斯巧克力月饼，花头劲透来勿起讲伊。月饼个包装也从一次性包装到两用性包装，吃了月饼，盒子还好做装饰品，材质由纸皮到金属材料是应有尽有。虽然年年叫包装要减肥，厂家年年讲原料价上涨，趁此机会摆足花头当利润，正好斩

头（zecongdhou 枪打出头鸟。��：

俗写“冲”，但声调不合）。月饼个价钿哪能会得便宜？难怪现在大家辣喊介贵【ju】。作为时令食品，我伲也只好尝尝味道。民族佳节，压末还是以传情为主。年逢中秋月色，同事朋友道里相聚讲究快乐。做小辈个，买眼实惠个月饼看看爷娘，孝敬老人家。

噶咾我提议大家“走环保路线，吃家常月饼”！即使要送亲朋好友，只要一般性包装就可以了，里向味道差勿多个，大家侪是图个一份热络搭仔亲情嘛。

△儿时中秋吃月饼画/麟康

作者侯宝良老师简介

侯宝良中国散文学会会员、上海市作家协会会员,经济师职称。

散文、随笔、故事作品散见于上海及各地的报刊、杂志和电台。在《新民晚报》各版面已刊载了一百多篇的文章，汇集出版了《我和飞燕有个约》，先后出版了散文集《弹街路》《弹街路续集》《申情难忘》，评论集《孰是孰非》。

多年来参与国内各类征文，其中《德娥》、《莲芸祈福》荣获第十六届、十八届中国月饼文化节征文的“一等奖”；《凝固的记忆》、《世博人家》、《三气定忠魂》《上海书展为我写好“上海闲话”》等先后获得上海移动十周年征文、上海“世博会”征文、上海第十七届读书节征文以及上海书展十周年征文的“二等奖”，还获得上海十六届国际艺术节、2017年第二十届上海国际电影节等的“最佳作品”奖、《做生活的强者》获2018年上海市民文化节改革开放四十年阅读中真善美征文的“十佳作品”。