轻松集结号——“啥头势”，是啥个意思啊？
原创 海上梦叠 海上梦叠
我是丁迪蒙，上海大学文学院中文系教师，国家级普通话测试员，从事语言教学四十余年。在学校教授现代汉语、对外汉语教学法、文化语言学、普通话语音训练、上海话和海派文化以及书法、汉字书写技巧等课程。
2000年开始致力于上海话的教学和推广，曾经是上海人民广播电台“轻松集结号”栏目上海话板块的特约嘉宾。
从今天开始上传的这些上海话和上海文化的内容，是我在2012年开始在电台“上海闲话”板块中，以互动话题为具体内容，以上海话语词为线索，聊聊上海话的语言魅力，并彰显上海文化的丰富多彩。对老上海人来说，她是记忆和回味；对新上海人来说，则是学习、体验、感悟。
其中三分之一内容曾经收录在《妙趣横生上海话》（上海大学出版社）里，现用沪语写出，并由我主讲。
来源：上海电台轻松集结号上海话板块
连线主讲：丁迪蒙
今朝阿拉来聊聊上海闲话当中个“头势”。搿个惯用语主要用勒动词或者形容词个后头，表示邪气厉害个样子。
譬如有得：忙头势、懒头势、作头势、热头势、小头势、痒头势、难看头势、尴尬头势，难听头势、推板头势、死腔头势、龌龊头势、邋遢头势，等等。
阿拉来看句子：
搿抢里忙头势，过脱一抢阿拉再碰头好伐？
今朝热头势，像煞是大热天来！
搿个人懒头势，房间堆得脚也踏勿进去。
伊三个号头没汏浴，臭头势。
家主婆作头势啊，实在是吃勿消了。
搿个字小头势啊，微微一笃笃，看勿清爽。
白阿姨只公鸡胡咙难听头势啊。
今朝勒伊面碰着了勿想碰着个人，真是尴尬头势。
我只头痒头势，要去汏汏伊。
另外，还有个“搅头势”，意思是邪气会得缠。譬如：
搿个小囡搅头势真结棍，一直绕牢我勿放。
搿道题目搅头势啊，做得烦煞了。
还有“吞头势”，意思是“样子、架势”，带贬义。譬如：
伊搿副吞头势，我真勿要看伊。
啥个吞头势，到我搿搭来做拨我看咾？
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
原标题：《轻松集结号（沪语版）—— “啥头势”，是啥个意思啊？》