要像一支队伍
原创 孔 曦 海上梦叠
来源：新民晚报“金色池塘”
作者及沪语朗读：孔 曦
改写：丁迪蒙
编辑：王乙其
廿几岁个辰光读过诗人曾卓个《遥望》：
当我年轻的时候
在生活的海洋中，
偶尔抬头
遥望六十岁，
像遥望
一个远在异国的港口
经历了狂风暴雨、惊涛骇浪
而今我到达了，有时回头
遥望我年轻的时候，像遥望
迷失在烟雾的故乡。
勿禁老向往个，同样，也有眼吓丝丝。现在，“远在异国个港口”蛮近了，回过头来望望“迷失勒烟雾个故乡”，对现在个自家，我是满意个。
曾经，勒时装柜台看到邪气欢喜个衣裳，看到标签浪小数点前头个四位数，就勿舍得买了。现在，再看到欢喜个样式，买单就爽气了。
勒买衣裳搿桩事体浪，也交过勿少学费。有过“便宜买穷人”个教训，有过大橱里向啪啪潽，就是拣勿出一件得体衣裳个尴尬。
良师益友搭仔人生阅历，教会我节制，提升了我个眼光。从看一趟买几件，到看几趟买一件，少而精。式样末，偏重经典，也勿排斥时髦高新式，搿是我买衣裳个体会。
倒勿是讲，一定要买名牌。几千块个连衫裙，着勒身浪，有辰光还勿及几百块个棉麻旗袍有腔调。“生活所需个一切，勿讲究豪华，讲究简洁；勿讲究富丽，讲究高雅；勿一定要举得来吓煞人，讲究适意（搿是林语堂讲个）”。
我相信，穿着打扮，可以改变一个人个精神面貌。居家服饰个休闲放松、旗袍个苗条凹凸、连衫裙个飘逸、礼服个高贵、正装个严谨、制服个威严搭仔运动服个活力，侪需要着个人调动内心世界个某一个侧面，再可以人高衣裳互相衬托。就好像是刘瑜所讲个，“一个人要像一支队伍，对牢自家个头脑搭内心招兵买马”。“搿句闲话，相当于对勒辣身体搭内心漫游个散兵游勇喊一声：‘集合！各就各位，齐步走’”！岁数越来越大，我只好眼看看高跟鞋从鞋架浪向回到盒子里，最后厾了垃圾桶里；我挡勿牢白头发混进黑头发里，也拦勿牢眼角边头生出皱纹来。但是，从新拍个照片浪，我看到自家笑得老好看个，我相信，搿是有生以来最漂亮最开心个我。
——————————————————————————
作者及诵读者：孔 曦（孔曦，女，生于1962年。1982年7月毕业于东华大学，工学学士，上海市作协会员。
当过技术员、刑事技术讲师、东方网特约评论员（与沪上杂文前辈一起写时评14年）、报纸副刊编辑。著有杂文集《都市的嘲讽》《亲缘与契约》《半夜鬼敲门》、随笔集《上海本色》《那一片故地新天》。
已发表杂文随笔散文小说等作品六十多万字，杂文作品被各大门户网站转载，并连续多年入选中国杂文年度选本；杂文《戾气何来》被《学习时报》转载后获2011年度“全国党刊好稿言论类三等奖”。)
————————————————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
————————————————————————————欢迎大家关注丁老师的另一沪语平台：启迪心田沪语
原标题：《要像一支队伍》